බලා සිටිමි මම..........

ක්ෂිතජය අගින් බැස යයි හිරු අහස රතු       කරන්
හදවත ලඟින් කිමිදෙයි ඇය මල් පොකුරු     අරන්
බියමුසු නුවන් වැලපෙයි පැතු පාරමී             පුරන්
පරවුණු සිතින් සොයතෙයි නුඹ තවම නිදි     මරන්

ඇය ගැන ලියූ කවි.............

මතකයි  මොහොත  ඔබ දුටු ඒ මුල්               දවස
උමතුයි සිතම ඒ හිරු බැස යන                     සවස
පියවයි දෙනෙත සිහියට එන විට                 මියැස
සතුටයි දැකුම ඔබ රුව නිමලයි                වෙහෙස

සියපත් මලයි දෙනුවන් හැම අත                   සෙව්වේ
බියපත් නෙතුයි හොරැහින් මා දෙස                 බැළුවේ
දියපත් ලෙසයි සිසිලෙන් හදවත                   නැහැවේ
පියපත් සොයයි විහඟුන් මෙන් සිත                නැලවේ

දුටුමුඳු දසත අපමණ නෙත් යුග                       දහසක්
එනමුඳු දෙනෙත සොයමින් සිටියෙම              පහසක්
එකමුඳු බෙහෙත ඇයමයි ඇය මට                   අහසක්
සුදු මුදු මවෙත නෙතඟින් පැවසුවෙ                 රහසක්

෴෴෴෴෴෴෴෴෴෴෴෴෴෴෴෴෴෴෴

සොඳුරු මලකට...අහිමි සෙනෙහස...ගියා දෙනෙතින් කඳුළු.......,....ගංගා
බිඳුණු හදකට....පාන මදහස.....අරුත් නැහැ එහි ශෝක.............,..හංගා
කන්ද උඩරට....රාජ උදහස.....නොදත් මුවදෙන පාන..................,.රංගා
ම්තිඳු බඹරට....ඔබේ සුවහස.....කෙලෙසකද හිමි වුණේ................නංගා

මිතුර...................

ඇය අතහැර යන්නට පෙර සිතුණා මට මෙය....................ලියන්න
අපි තරඟෙට පිල් බෙදුණට එපා වයිරයෙන් ....................බලන්න
ඇගෙ ආදරෙ හිමි නොවුණට තරහක් නෑ මගේ .....................ඔන්න
හීලෑ වුණ මුවැත්තියව ඔබෙ පණ මෙන් රැක .....................බලන්න

ඇය සුන්දර සුර අඟනක් එපා ඇයගෙ සිත ......................රිදන්න
නොපිපුණ ඇය කැකුළු මලක් එපා කැකුලෙ රොන් .........උරන්න
සිත ලස්සන පොඩි කෙල්ලෙක් ඇය හට ආදරය ...............දෙන්න
තවමත් බැහැ මගේ මිතුරෙ මට ඇය අමතක ..................කරන්න

එවනා ලද මේ ලිපියට එපා පිළිතුරක්........................ එවන්න
ඇගෙ ආදරෙ නාමෙන් ඔබ ඇය සැමදා බලා.................... ගන්න
ඇය අතහැර දුර රටකට මම යනවා ඉතින් ....................ඔන්න
හෙටින් පස්සෙ මම නැහැ තව ඔබ හට කරදර........... කරන්න

තවදුරටත් ඇය හට බැහැ කවදාවත් මම .....................දකින්න
කිසි දිනකදි වෙන මලකට මට බැරි වෙයි සිත .............පුදන්න
ඇය ළඟ නැහැ මේ මොහොතෙදි මගේ කඳුළු පිස ........දමන්න
එහෙනම් මම නවතින්නම් මගේ මිතුරෙ සමා ................වෙන්න

_________රාශි 12_________

පොඩි කලයක් ඉඟටිය මත තබා.....................ගෙන
වරලස හෙලා ලැසි ගමනින් එන.....................ලලන
එය දුටු විගස මඟ එළුවන් කෙළ.....................හලන
යන්නේ මතට උන් කක්කුට් ටන්....................ලෙසින

මලවිය මවෙත දුන්නෙන් විදුවා........................හීයක්
ආඩම්බරයි ඇය විලසින් මොණර...................රුවක්
ඇස් බැඳ නැති වුවද එල්ලන් තරා....................දියක්
යුක්තිය රකින හැටි අගනෙයි පියා...................ඇසක්

ඇය මෙන් නොවේ ඇගෙ නිඹුහුන් සොහො..............යුරිය
කට නම් සැරයි එය නම් මකරට............................සරිය
දවසක් රැගෙන මම සිරුරට ෆුල්............................විරිය
පෙර මඟ ගියා කියමින් මගෙ අඬ..........................හැරිය

ගිය මුත් ඉදිරියට මම සිංහයා.................................වගේ
විමසුවෙ ගොසින් මාළුන් ගැන සිටින.......................ගඟේ
ඇන්නා සොහොයුරිය වල්ගෙන් ගෝනුස්සා.............වගේ
එන්නට වුණේ මට දක්වා ගොනා............................රඟේ

_______________වැස්ස__________________

ඇවිදින් විල් තෙරෙන් හඬමින් අඳුරු........................වලා
හමමින් ඇල් සුළන් විගසින් ගතම..........................වෙලා
එසැණින් පිල් විදන් මොණරුන් සැපත්.................වෙලා
රඟමින් නිල් නුවන් සැනෙකින් වශී.........................කළා

දිනකර නොමැත අද ඔහු සැඟවිලා........................ගොහින්
දෙවුලිය හඬයි ඔහු ඇයගේ කඳුළු.............................පිහින්
මුතු පිණි කඳුළු වරුසා ඇගෙ නෙතු ......................අගහින්
කිසිවක් නොවුණු ලෙස සිරිලක් බිමට.....................බහින්

සුළඟක් හමයි හෙමිහින් රහසක්...........................මුමුණා
ගස් වැල් නැමෙයි තාලෙට ඇය ගී..........................ගයනා
පැණයක් නොවෙයි විහඟුන් නැත අද....................රඟනා
අහසක් හඬයි වැසි බිඳු පොළවට........................වැටුණා

පණ ඇති ලෙසයි ඇදෙනා මඩ දිය.....................දහර
හෙමි හිට ගලයි සෝදා ගෙන ගුරු........................පාර
ගව යට කියයි අම්බරුවා කට..........................වහර
වෙල සිට හඬයි ඌ පුප්පා ගෙන.......................නහර

වට සුන්දරයි දකිනා විටවැසි.............................වසිනා
කට නම් සැරයි දෙවුලියගේ ගොරව.....................වනා
වත ලස්සනයි සොඳුරිය මම ආලය..................කරනා
මට සීතලයි මම ඇය වෙත තුරුළු......................වුණා

                                 නුඹ.........                    

      
නිකිණියෙ නිමාවයි දිනයෙන් හැඟ......................වූයේ
දවසෙහි විඩාවයි මුහුණෙන් දිස්..........................වූයේ
පහසෙහි ඉනාවයි නෙතඟින් පෙන්.......................වූයේ
සොලසෙහි සිනාවයි ඇයගෙන් හිමි.....................වූයේ