දහසක් හැඟුම් පියඹයි මගෙ හිසට........................උඩින්
අහිතක් නැතිව දෙනවලු මට ගොඩින්...................මඩින්
සියයක් මිතුරු කැල පවසයි එකම.......................හඬින්
සැකයක් නොමැත බැන්දොත් උඹ දඩින්..............බිඩින්

පොඩියට මඟුල චාමෙට අපෙ ගෙදරම................ගත්තත්
දවසට බ්ඳින එයි මුළු ගම පවුලම......................එක්කත්
හවස්ට ටිකක් ටික දෙනෙකුට බොන්නට.............දුන්නත්
කැඩුමට වෙනවා බැංකුවකුත් මඟුලක්.................හින්දත්

කෙලෙසින් කෙලෙස හරි දෙන්නම කසාද බැන්.........දාට
සුවසින් සිටියි ටික දවසක් සායම් ගා.......................පාට
ටිකකින් නැන්දා සහ ලේලිය පටන් ගත්ත................දාට
ගෙදරින් යන්නට වෙන්නේ අසරණ වන.................මාට

දස මාසෙන් පුංචි පුතෙක් අපෙ ලෝකෙට.................ඒවි
මා වෙනුවෙන් නුඹ ලඟ තව ඉඩ කඩ නැති..............වේවි
පුතු නාමෙන් මගෙ තුරුලෙන් ඈතට දිව..................යාවී
පා සලමින් කිරි කැටියා කොමල සිනා.....................පාවී

රෑට කන්න පොලුයි බතුයි උයලා.......................දුන්නම
දාට සමහරක් චුට්ටක් වැඩිපුර.............................බිවුවම
පාට හොයන මගෙ ලෝකය කළුවර.................කෙරුවම
ඊට හොඳයි නංගියෙ මට සුපුරුදු........................තනිකම

ලෝක ප්‍රසිද්ධ ශ්‍රී ලංකාවේ ඉපදුණු කලා කරුවන්....

1.ජැකලින් ෆර්නැන්ඩස්
හැමෝම හොඳින් හඳුනන ජැකලින් ශ්‍රී ලාංකිකයෙකු බව නොදන්න කිසිවෙකුත් නැති තරම්... ඇය ඉපදී තියෙන්නෙ  1985 අගෝස්තු 11 කොළඹදී.. ඇය 2006 දී මිස් ශ්‍රී ලංකා කිරුල ජයග්‍රහණය කරා.ඇය උසස් අද්‍යාපනය ලබල තියෙන්නෙ ඕස්ට්‍රේලියාවෙ මෙල්බර්න් යුනිවර්සිටි එකේ..ඊට පස්සෙ තමයි අපි දන්න විදියට එයා බොලිවුඩ් වලට සම්බන්ද වෙන්නෙ..2009 ඇලඩින්  ෆිල්ම් එක තමයි මුල්ම ෆිල්ම් එක..ඒ අවුරුද්දෙ අයිෆා උලෙලෙදි ජැකලින් හොඳම නැගී එන නිළියට හිමි සම්මානෙත් දිනා ගත්තා.. ඇලඩින් ෆිල්ම් එකෙන් පස්සෙ එයා ගොඩක් ෆිල්ම් වල රඟපාලා තියනවා...2011 මර්ඩර් 2,2012 හවුස් ෆුල් 2 වගේම 2013 රේස් 2 ඒවා අතරි ගොඩක් ප්‍රසිද්ධ වෙච්ච ඒවා...තව ඉස්සරහට සල්මන් එක්ක රඟපාන Kickෆිල්ම් එක සහ රන්බීර් එක්ක රඟපාන Roy ෆිල්ම් එක එන්න තියනවා කියලා තමයි දැන ගන්න තියෙන්නෙ..ඒ වගේම මේ දවස් වල ජැකලින් හොලිවුඩ් ෆිල්ම් එකක රඟපානවලු...According to mathew කියලා... අපිට ඒකත් නුදුරු අනාගතයේදිම බලාගන්න ලැබේවි කියලා පතනවා.

2.බර්නාර්ඩ් වයිට්
නම කිවුවම එතරම් හුරු පුරුදු නැති බවක් තිබුනට මෙයා හොලිවුඩ් වලට නැතුවම බැරි නළුවෙක්,පිටපත් රචකයෙක් සහ අධ්‍යක්ෂක වරයෙක්..1959 ජුනි 8 කොළඹදී උපත ලබන මොහු  ඇමරිකාවෙදි තමයි ඉගෙනුම ලබලා උපාධිය සම්පූර්ණ කරන්නෙ..ඔහු මුලින්ම විවාහ කරගෙන තියෙන්නෙත් ඇමරිකන් නිලියක්  Nathalie Canessa-White කියලා.එච්චර ප්‍රසිද්ධ නෑ..කොහම උණත් බර්නාඩ් රඟපාලා තියන ෆිල්ම් සංඛ්‍යාව 40 කට වැඩියි...ඒ අතරින්  The scorpian king (2002),The Matrix Reloaded (2003)-as Rama-Kandra,The Matrix Revolutions (2003)-as Rama-Kandra,The Matrix: Path of Neo (2005)-as Rama-Kandra වගේ චිත්‍රපට ලෝකයක් ආදරයෙන් වැළඳ ගත් චිත්‍රපට... ඒ වගේම රූපවාහීනී කතාංග මාලා බොහෝමයක මොහු රඟපාලා තියනවා..Knight Rider,Viper,The X-Files,The Devision,24 1st season,Jag,The Unit,The Castle වගේ ඒවා ගැන අමුතුවෙන් කියන්න දෙයක් නෑනෙ... ඒ වගේම Captain America: The Winter Soldier එකෙත් මොහු චරිතයක් නිරූපණය කරනවා... ඒ වගේම මොහු The Want (2001) සහ Remember a Day (2000) කියන ෆිල්ම් 2හි තිර රචනය සිදු කරලා තියනවා...තව දුරටත්  The Want (2001) ෆිල්ම් එක අධ්‍යක්ශණයත් මොහුම තමයි.. මොහු කොතරම් වටින හොලිවුඩ් තාරකාවක්ද කියන එකේ කිසිම සැකයක් නෑනෙ....අපිටත් ආඩම්බරයක්..

3.ඇල්බට් මෝසෙස්
මොහු 1937 දෙසැම්බර් 19 දින නුවරදී උපත් ලබලා තියෙන්නෙ.. මොහු නම් බ්‍රිතාන්‍ය නළුවෙක් වගේම හොඳ අධ්‍යක්ෂක වරයෙක්..ප්‍රසිද්ධ නළු නිලියන් බර ගාණක් එක්ක වැඩ කරල තියන කෙනෙක්...The Man Who Would Be King (1975), Octopussy (1983), An American Werewolf in London (1981),The Second Jungle Book: Mowgli & Baloo (1997) වගේ චිත්‍රපට වල මොහු රඟපාලා තියනවා..එතරම් අහලා පුරුදු නැති චිත්‍රපට වුණත් IMDB හොඳ රේට් ලබා ගනිපු ච්ත්‍රපට.Octopussy (1983) නම් ජේම්ස් බොන්ඩ් ෆිල්ම් එකක්..කෙසේ වෙතත් මොහු  ගේ අධ්‍යක්ශක හැකියාව නළු  කමට දෙවෙනි නෑ.Mind Your Language (TV Series 1977–1986)  තමයිළු පට්ටම අධ්‍යක්ශණය.. IMDB 8.8 ක් හම්බවෙලා තියනවා..කොහම හරි මොහුත් ලංකාවෙ නම ලෝකයට ගෙනියපු කෙනෙක්..

4.John Carson
මොහු 1927 පෙබරවාරි 28 කොළඹදී උපත ලබන්නෙ.. තවත් පට්ටම නලුවෙකකේ කාලෙ තිබුන ප්‍රසිද්ද ෆිල්ම් බර ගානක රඟපාලා  තියනවා.The Night Caller (1965); Plague of the Zombies (1965); The Man Who Haunted Himself (1970); Taste the Blood of Dracula (1970); and Captain Kronos – Vampire Hunter (1972) ඔහු රඟපෑ හොල්මන් චිත්‍රපට ටිකක් විතරයිකේ විතරක් නෙමෙයි.. මොහු ගොඩක් රූපවාහිනී කතාංග මාලාවලට දායකත්වය දීලා තියනවා The Avengers; The Saint; Adam Adamant Lives!; The Baron; Man in a Suitcase; The Champions; and Department S වගෙ..ඔහුගේ තව චිත්‍රපට බර ගාණක් තියනවා අපි හොඳට අහලා තියන සමහර විට බලලත් තියන චිත්‍රපට ඇතුල්ලුව.. කෙසේ  හෝ මොහුත් පට්ට ලාංකියෙක්..

5.Joan Elan
මැය උපත ලබන්නෙ 1929 ජුලි 24 කොළඹදී..ඇගේ මුල් නම තමයි Joan Georgian Bingham-Newland.ඇය සුපිරි නිලියක්...Darby's Rangers (1958), The Girls of Pleasure Island (1953) and The King's Thief (1955) වගේ චිත්‍රපට වල මෙන්ම ජේන් අයර් චිත්‍රපටයෙත් රඟපාලා තියනවා..කෙසේ හෝ මැය 1982 ජනවාරි 7 දින මිය ගිහින්.. :(

6.පූජා උමාශන්කර්
මැය ගැනනම් නොදන්න කෙනෙක් නෑ.. කොළිවුඩ් සිනමාවෙ වගේම සිංහල සිනමාවෙත් ජනප්‍රිය නිළියක්.මැය උපත ලබන්නෙ 1981 ජුනි 25 ව්වෙනිදා කොළඹදී.. ඇය රඟපාපු සිංහල ෆිල්ම් තමයි Anjalika (2006), Asai Man Piyabanna (2007), Suwanda Denuna Jeewithe (2010) and Kusa Pabha (2012). ඒ වගේම ඇය  දමිළ චිත්‍රපට බොහෝමයක රඟපාලා තියනවා.. ඇය දිනාගෙන තියන සම්මාන ප්‍රමාණයද අපමණයි. ඇය 2009 දී   Naan Kadavul චිත්‍රපටයේ කල රංගනයට ෆිල්ම් ෆෙයාර් සම්මාන උලෙලෙ හොඳම නිළියට හිමි සම්මානය පවා ලැබිලා තියනවා..Orange,Vidiyum Munn,     Drohi,     Naan Kadavul, Thambi ඇගේ චිත්‍රපට වලින් කිහිපයක්..

7.Michael Ondaatje
මොහු නම් ලෝක ප්‍රසිද්ද ගත් කතුවරයෙක්..1943 සැප්තැම්බර් 12 වන දින කොළඹදී උපත ලබා තියෙන්නෙ...පසුව මොහු කැනඩාවට පදිංචියට යනවා. මොහු Booker Prize එක දිනාගෙන තියනවා ඔහුගේ The English Patient කියන නව කතාවට.. ඒ වගේම ඒක ඇකඩමි අවාර්ඩ් එකක් දිනපු ෆිල්ම් එකකට යොදාගෙනත් තියනවා..ඒ වගේම ඔහු තවත් ප්‍රසිද්ධ නවකතා බොහෝමයක් ලියලා තියනවා.. තව කවි රචකයෙකු ලෙසටත් ඔහුගේ නම ලොව පුරා ප්‍රසිද්ධයි.

8.Colin Gordon
මොහු ඉතා ප්‍රසිද්ධ නළුවෙක්...1911 අප්‍රේල් 27 කොළඹදී උපත ලැබූ මොහු 2වන ලෝක යුද්ධෙටත් සම්බන්ද වෙලා තියනවා.. Pink Panther(1963), සහ  Casino Royal(1967) ඇතුළු තවත් සම්මානනීය චිත්‍රපට 50කට අධික සංඛ්‍යාවක මොහු රඟාපාලා තියනවා...කෙසේ හෝ මොහුත් අවුරුදු 61ක් ආයු වළඳා 1972 ඔක්තොම්බර් 4 වන දින මිය ගිහින්...

9.Ayesha Kapoor
මැය 1994 සැප්තැම්බර් මස 13 වන දින ලංකාවෙදි උපත ලබලා තියෙන්නෙ.. ( විකිපීඩියා වල නම් කියන්නෙ ජර්මනියෙ කියලා) කෙසේ හෝ මැය බොලිවුඩ් නිළියක්..Black (2005) and Sikandar (2009) චිත්‍රපට වල මැය රඟපාලා තියනවා.. ඒ වගේම මැය බ්ලැක් චිත්‍රපටිය හරහා ගොඩක් සම්මාන වලට නිර්දේශ වෙලා තියනවා වගේම දිනාගෙනත් තියනවා..

10.සරලා කාරියවසම්
මැය ගැන නම් නොදන්න කෙනෙක් නැහැ...1996 ගාල්ලෙදි ඉපදුණු මැය ගැන හැමෝම දැන ගත්තෙ 2005 දී තිරගත වුණු Water චිත්‍රපටියෙනනෙහි සිදු කළ අති විශිෂ්ඨ රඟපෑම නිසා ඇය එවකට  ලෝකයේ හොඳම ළමා නිළියට හිමි සම්මානය පවා දිනා ගන්නවා..ඒ වගේම ඇය සිංහල සිනමාවටද නැතිවම බැරි චරිතයක් වී හමාරයි..

අවසන් ලියුම

විසි වසරක් ගත වී ඇත මගෙ              දිවියෙන්
කල ආලයෙහි නැත අඩුවක් දිවි         හිමියෙන්
අද සිට පා තබන්නට මට මගෙ          සවියෙන්
ඉඩ හැර පිය තබනු මැන ඉවතට       බැතියෙන්

රිදුණත් ගොඩක් සිතුවිලි ඔබ ගැන         හිතලා
තවමත් හඬයි හදවත සිත පිරි                 මැදලා
සවිමත් වෙන්න මා හට ඉකි බිඳ             හඬලා
සියපත් කුසුම යනු දැන් මම අත            හැරලා

දිවියෙහි පුරාවට සුදු නුඹ ගැන               සිතුවා
සයුරෙහි කොනක තනිවී මම ඉකි           බිඳුවා
පහසෙහි මිහිර විදගන්නට සිත              පැතුවා
දසුනෙහි සුසුම ඇත ඔබගෙන් පා          තැබුවා

විඳි දුක් සැරයි සොඳුරිය මම නුඹ             හින්දා
කල පවු ගොඩයි ඒ වෙනුවෙන් දුක්         වින්දා
බැරි බව හැඟෙයි නුඹ ගෙන එන්නට     කැන්දා
ගොලු වූ හදයි හැර ගියෙ කඳුලක්             රන්දා

සුභ සිරි පතමි ඔබෙ දිවියට හිත              සතුටින්
කළු සුදු දුටිමි මෙතුවක් කල් සිතෙ         කහටින්
මම යමි අහිමි සිහිනය ඇඳුමට                 පාටින්
අද සිට සිතමි මට නුඹ හිමි නැත             අවටින්

බලා සිටිමි මම..........

ක්ෂිතජය අගින් බැස යයි හිරු අහස රතු       කරන්
හදවත ලඟින් කිමිදෙයි ඇය මල් පොකුරු     අරන්
බියමුසු නුවන් වැලපෙයි පැතු පාරමී             පුරන්
පරවුණු සිතින් සොයතෙයි නුඹ තවම නිදි     මරන්

ඇය ගැන ලියූ කවි.............

මතකයි  මොහොත  ඔබ දුටු ඒ මුල්               දවස
උමතුයි සිතම ඒ හිරු බැස යන                     සවස
පියවයි දෙනෙත සිහියට එන විට                 මියැස
සතුටයි දැකුම ඔබ රුව නිමලයි                වෙහෙස

සියපත් මලයි දෙනුවන් හැම අත                   සෙව්වේ
බියපත් නෙතුයි හොරැහින් මා දෙස                 බැළුවේ
දියපත් ලෙසයි සිසිලෙන් හදවත                   නැහැවේ
පියපත් සොයයි විහඟුන් මෙන් සිත                නැලවේ

දුටුමුඳු දසත අපමණ නෙත් යුග                       දහසක්
එනමුඳු දෙනෙත සොයමින් සිටියෙම              පහසක්
එකමුඳු බෙහෙත ඇයමයි ඇය මට                   අහසක්
සුදු මුදු මවෙත නෙතඟින් පැවසුවෙ                 රහසක්

෴෴෴෴෴෴෴෴෴෴෴෴෴෴෴෴෴෴෴

සොඳුරු මලකට...අහිමි සෙනෙහස...ගියා දෙනෙතින් කඳුළු.......,....ගංගා
බිඳුණු හදකට....පාන මදහස.....අරුත් නැහැ එහි ශෝක.............,..හංගා
කන්ද උඩරට....රාජ උදහස.....නොදත් මුවදෙන පාන..................,.රංගා
ම්තිඳු බඹරට....ඔබේ සුවහස.....කෙලෙසකද හිමි වුණේ................නංගා

මිතුර...................

ඇය අතහැර යන්නට පෙර සිතුණා මට මෙය....................ලියන්න
අපි තරඟෙට පිල් බෙදුණට එපා වයිරයෙන් ....................බලන්න
ඇගෙ ආදරෙ හිමි නොවුණට තරහක් නෑ මගේ .....................ඔන්න
හීලෑ වුණ මුවැත්තියව ඔබෙ පණ මෙන් රැක .....................බලන්න

ඇය සුන්දර සුර අඟනක් එපා ඇයගෙ සිත ......................රිදන්න
නොපිපුණ ඇය කැකුළු මලක් එපා කැකුලෙ රොන් .........උරන්න
සිත ලස්සන පොඩි කෙල්ලෙක් ඇය හට ආදරය ...............දෙන්න
තවමත් බැහැ මගේ මිතුරෙ මට ඇය අමතක ..................කරන්න

එවනා ලද මේ ලිපියට එපා පිළිතුරක්........................ එවන්න
ඇගෙ ආදරෙ නාමෙන් ඔබ ඇය සැමදා බලා.................... ගන්න
ඇය අතහැර දුර රටකට මම යනවා ඉතින් ....................ඔන්න
හෙටින් පස්සෙ මම නැහැ තව ඔබ හට කරදර........... කරන්න

තවදුරටත් ඇය හට බැහැ කවදාවත් මම .....................දකින්න
කිසි දිනකදි වෙන මලකට මට බැරි වෙයි සිත .............පුදන්න
ඇය ළඟ නැහැ මේ මොහොතෙදි මගේ කඳුළු පිස ........දමන්න
එහෙනම් මම නවතින්නම් මගේ මිතුරෙ සමා ................වෙන්න